Andrew E., inalala kung paano siya na-reject noon sa audition niya sa That’s Entertainment
PHOTOS: @andrewe_dongalo on Instagram
Nagpakitang-gilas umano si Andrew E. sa pagra-rap during his That’s Entertainment audition pero hindi raw ’yon na-appreciate ni Kuya Germs. “‘Okey. Thank you. Next,’” sabi daw sa kanya ng late star maker sa kalagitaan ng kanyang performance.
Napa-throwback ang comedian, rapper and songwriter na si Andrew E. sa kanyang pinagdaanan noon bago s’ya makapasok at magkapangalan sa showbiz industry.
Nangyari ito sa trending na interview sa kanya ni Toni Gonzaga sa online show nitong Toni Talks na in-upload sa YouTube channel ng TV host-actress nitong June 18.
Napag-usapan nila sa show na sinubukan pala ng sikat na Pinoy rapper na mag-audition noon sa That’s Entertainment, kung saan nakasabayan pa n’ya ang actress-turned-chef na si Donita Rose.
“Alam ko, sampu sa isang daan na mag-o-audition sa pag-aartista is because gusto nilang maging artista. Ako hindi. Ang gusto ko lang talagang mangyari is makita ’yong talent ko,” kuwento ni Andrew E. kay Toni.
“’Yong talent ko kasi is so unique na nagra-rap, na at that time ay hindi pa kilala [sa bansa].
Before him kasi ay walang rapper artist sa Pilipinas kaya hindi n’ya maipaliwanag noong nag-audition s’ya kung ano ang tawag sa talento n’ya.
“‘Pakibigyan ng mic ’yan… Hijo, anong gagawin mo? Teka, kumakanta ka ba?’” tanong daw sa kanya ni late Master Showman na si Kuya Germs Moreno.
“‘Hindi po.’ ‘Sumasayaw ka?’ ‘Hindi rin po.’ ‘E, uma-acting ka?’ ‘Hindi rin po ako marunong nu’n.’ S’yempre, honest. Hindi ako marunong. ‘E, anong gagawin mo?’ ‘P’wede po ba ipakita ko na lang po sa inyo?’” pagbabalik-tanaw pa n’ya sa usapan nila ni Kuya Germs.
“P’wede kong sabihin [sa kanya kung ano ang rap] pero hindi rin n’ya alam. Kasi very secluded pa [that time] ’yong word na ’yon na ‘rap.’”
Nagpakitang-gilas umano s’ya sa pagra-rap pero hindi raw ’yon na-appreciate ni Kuya Germs.
“‘Okay. Thank you. Next,’” sabi daw sa kanya ng late star maker sa kalagitaan ng kanyang performance.
“‘Kuya Germs, hindi pa po tapos.’ ‘Hindi, hindi. Okay na.’ Kasi hindi ako kumakanta, hindi ako sumasayaw. Ano ’yong pinagsasasabi ko? Ibig sabihin, hindi n’ya maintindihan,” sey pa ni Andrew kay Toni.
Dito na daw tinawag ang kasunod n’ya sa pila na si Donita for her turn.
“Umupo ako. Pag-upo ko, lo and behold – Donita Rose. Tumayo [s’ya]. ‘Hello po.’ Magalang na s’ya [noon pa man],” salaysay pa n’ya.
“‘Hija, do you know how to sing?’ ‘No.’ ‘Do you know how to dance?’ ‘No.’ ‘Do you know how to do acting?’ ‘No.’ ‘Do you have talent?’ ‘None.’ ‘Okay. Tanggap ka na!’”
Nagulat daw s’ya sa nasaksihan n’ya na p’wede palang makapasa sa audition kahit hindi nagpakitang gilas.
“Shocked ako. Sabi ko, ‘Walang talent… [pero nakapasa]?’” hindi makapaniwalang nasabi n’ya noon.
Ipinaalam daw n’ya ito kay Donita makalipas ang ilang taon at kapwa na sila nasa showbiz.
“Kinuwento ko ’yan kay Donita. Tawa s’ya nang tawa. Sabi n’ya, ‘Ikaw pala ’yong maitim na katabi ko.’ Oh my goodness… Banatan ba naman ako ni Donita na, ‘Ah… I do remember you. Ikaw ’yong maitim doon sa tabi ko,’” natatawang pagre-recall n’ya.
Hirit naman sa kanya ni Toni, “Alam mo kung anong nakakatawa? Ikaw ang kumanta ng Ober Da Bakod [theme song] na sitcom ni Donita Rose.”
“You’re so sharp. Kaya ikaw ang number one host, e,” ganti naman ni Andrew sa inilahad ni Toni.
YOU MAY ALSO LIKE:
Dahil masayahin, Andrew E., hindi nagpatalo sa sakit at depression ngayong pandemic
Andrew E., nagigimbal sa ginagawang record ng Shoot! Shoot! single niya sa TikTok
FOLLOW US ONLINE:
Facebook: facebook.com/pikapikashowbiz
Twitter: twitter.com/pikapikaph
Instagram: instagram.com/pikapikaph/
YouTube: youtube.com/pikapikashowbiz
TikTok: https://vt.tiktok.com/ZGJBapkV4/
and join our Viber Community: tinyurl.com/PikaViber
Comments
Post a Comment