Marco Gallo at Heaven Peralejo on their status six years ago sa PBB: "There was a lot of emotions but not anything official."

PHOTO: Melo Balingit

Nang direktang matanong kung naging sila ba noon panahong close na close sila sa bahay ni Kuya noong 2016, parehong natawa sina Marco Gallo at Heaven Peralejo. “I think we could just confirm that there was a lot of emotions but not anything official,” direktang sagot din ni Marco. “We didn’t get together but definitely, there was a lot of going on.” “Siguro hindi kami nahirapan sa chemistry [namin ngayon]. I think that says a lot,” sagot naman ni Heaven. “When we saw each other for the first time after six years, it felt like home. So, close to my heart si Marco and I think Marco knows that.”

May binitiwan palang pangako sina Marco Gallo at Heaven Peralejo noon sa isa’t isa after ng naging stint nila sa reality show na Pinoy Big Brother (PBB): Lucky 7 noong 2016, kung saan naging malapit sila sa isa’t isa.

Inamin nila ’yan sa story conference kamakailan para sa pagsasamahan nilang series na The Rain In España na based sa first installment ng hit University series ng sikat na bagets author na si Gwy Saludes.

Natanong kasi ng entertainment ang dalawa sa naging reaction nila nang malaman nilang magku-krus muli ang kanilang landas sa showbiz and this time ay magtatambal na sila sa isang project. 

Ayon kay Marco, nagulat daw s’ya nang malaman n’yang ang fellow PBB housemate n’yang si Heaven ang magiging leading lady s’ya upcoming series.

“I was just shocked. Direk Ted [Theodore Boborol] knows I was like, ‘Direk Ted, Heaven? Are you sure?’” natatawang pagre-recall ng Viva actor.

Napa-react naman si Heaven sa tila dismayadong tono ni Marco. 

Pero paglilinaw ng aktor, masaya daw s’ya na makatrabaho si Heaven dahil hindi na umano s’ya mahihirapang mag-adjust nang husto dahil magkakilala na sila noon pa. 

“I was really happy when I heard ’cause it’s always kind of hard working with somebody new, working on that chemistry, working on that comfortability. But now that it was you, I knew it’s going to be easy,” smooth na paliwanag ni Marco kay Heaven.

“Bakit?” medyo shocked na tanong naman ng aktres sa kanyang leading man. 

“I don’t know,” nakangiting sagot ni Marco.

Dahil dito ay hindi maiwasang kiligin ang lahat ng um-attend sa nasabing story conference. 

Sa lakas nga ng chemistry nila at bilis sa pagpapakilig ay muli silang nausisa ng press kung naging sila ba noong mga panahong nasa loob sila ng Bahay ni Kuya. 

“Naging tayo ba, Marco?” batong tanong ni Heaven sa aktor.

Natawa naman si Marco bago tuluyang nakasagot.

Nang makabawi ng composure ay sinabi n’yang naging malapit sila ng aktres inside the PBB house pero hindi daw sila naging opisyal na magkasintahan.

“I think we could just confirm that there was a lot of emotions but not anything official. But yeah… I mean, unless she took it differently. No, no. We didn’t get together but definitely, there was a lot of going on,” lahad ni Marco. 

Sinegundahan naman ito ni Heaven at sinabing, “Wala po talaga.” 

Muli pa silang na-hotseat ng press people kung saan lang ba umabot ang tinutukoy nilang “emotions.”

Dahil dito ay napabuntong-hininga muna si Heaven.

“Kayo po ha. Hahaha! How can I say this? Siguro hindi kami nahirapan sa chemistry. I think that says a lot,” sagot ng aktres. 

“When we saw each other for the first time after six years it felt like home. So, close to my heart si Marco and I think Marco knows that.”

Nagkaroon din daw sila ng usapan ng aktor na aalagaan nila ang isa’t isa. 

“We also talked after PBB and we said to each other na we will take care of each other,” dagdag ni Heaven.

Pagtutuwid naman ni Marco, hindi lang ’yon basta usapan kundi pangako. 

“We made a promise, actually. As soon as we saw each other… I was gonna take it slow… It’s slow, I mean, like, you know, if you don’t see somebody for six years, you have your space. But there was no space [sa amin ni Heaven]. There was no need for space. It was just like six years never happened and that was really the good thing,” saad n’ya.

“As soon as we saw each other, I think, the first week, we met up and we hung out. We just made a promise to each other that if we were going to keep working together, [we will] really take care of each other this time and make it right,” pagtatapos ni Marco.

Anyway, maliban kina Marco at Heaven, kasama rin sina Aubrey Caraan, Francis Magundayao, Gab Lagman, Bea Binene, Frost Sandoval, Gabby Padilla, Nicole Omillo, and Krissha Viaje sa The Rain in España na magsisimula nang mag-taping soon.

FOLLOW US ONLINE: 

Facebook: facebook.com/pikapikashowbiz

Twitter: twitter.com/pikapikaph

Instagram: instagram.com/pikapikaph/

YouTube: youtube.com/pikapikashowbiz

TikTok: https://vt.tiktok.com/ZGJBapkV4/

and join our Viber Community: tinyurl.com/PikaViber